မတ် ၁၀-၂၀၂၆
MT(VOM)
ရုရှားသမ္မတ ဗလာဒီမာပူတင်နဲ့ အမေရိကန်သမ္မတ ဒေါ်နယ်ထရန့်တို့ဟာ အခုဖြစ်ပွားနေတဲ့ အီရန်စစ်ပွဲနဲ့ ယူကရိန်းပဋိပက္ခအရေးတွေကို မတ်လ (၁၀) ရက်နေ့ မှာ ဖုန်းနဲ့ ဆက်သွယ်စကားပြောခဲ့ကြပါတယ်။ ဒီဆွေးနွေးမှုဟာ အပြန်အလှန် ပွင့်ပွင့်လင်းလင်းရှိပြီး အပြုသဘောဆောင်တဲ့ ဆွေးနွေးမှုမျိုး ဖြစ်ခဲ့တယ်လို့ ကရင်မလင်နန်းတော်က ထုတ်ပြန်ထားပါတယ်။
ရုရှားသမ္မတရဲ့ သံတမန်ရေးရာအကြံပေး ယူရီ အူရှာကော့ဗ်က ရုရှားသတင်းဌာနတွေကို ပြောကြားရာမှာ ဆွေးနွေးပွဲမှာ အီရန်နိုင်ငံနဲ့ ဖြစ်ပွားနေတဲ့ ပဋိပက္ခအခြေအနေကို အလေးထား ဆွေးနွေးခဲ့ကြသလို၊ ယူကရိန်းပြဿနာကို ဖြေရှင်းဖို့အတွက် အမေရိကန်ကိုယ်စားလှယ်တွေနဲ့ လုပ်ဆောင်နေတဲ့ နှစ်နိုင်ငံ ညှိနှိုင်းမှုတွေကိုလည်း ဆွေးနွေးခဲ့ကြတယ်လို့ ဆိုပါတယ်။
အီရန်ပဋိပက္ခကို နိုင်ငံရေးနဲ့ သံတမန်နည်းလမ်းတွေသုံးပြီး အမြန်ဆုံး အဆုံးသတ်နိုင်ဖို့အတွက် ပူတင်က သူ့ရဲ့ အယူအဆတချို့ကို ထုတ်ဖော်ပြောကြားခဲ့ပါတယ်။
ဒါ့အပြင် သူ့ (ပူတင်) အနေနဲ့ ပင်လယ်ကွေ့နိုင်ငံက ခေါင်းဆောင်တွေ၊ အီရန်သမ္မတ အပါအဝင် တခြားနိုင်ငံက ခေါင်းဆောင်တွေနဲ့ ဆွေးနွေးခဲ့တာတွေကိုလည်း ထရန့်ကို ပြန်လည်ပြောပြခဲ့ပါတယ်။
ဒီဆွေးနွေးပွဲမှာ ကမ္ဘာ့ရေနံဈေးကွက် အခြေအနေတွေနဲ့ ဆက်စပ်ပြီး ဗင်နီဇွဲလားနိုင်ငံရဲ့ အခြေအနေကိုလည်း သမ္မတနှစ်ဦးက ထည့်သွင်းဆွေးနွေးခဲ့ကြပါသေးတယ်။
Source: Al Jazeera
